LUKAS 10 : 38 - 42
Jalahi ma na rumingkot di NGOLUM
roha ni Tuhan i soganda sian na holan mangalehon
roha, sipareon tu suara ni Jesus i.
Patujolo
Pardalanan ni Jesus dibagasan ombason maradi satongkin di sada
huta ima huta Betania, ndang apala dao sian Jerusalem, ima huta nanaeng
sitopoton ni Jesus. Sian sandok pardalanan ni Jesus, adong manang piga na boi
taida:
· Disaleleng
pardalanan ni Jesus, sai tongtong do dipatuduhon jala mangulahon na denggan
(Ul. Ap. 10:38) jala manaburhon hatiuron marhite parangena na patuduhon
hatiuron di angka na humaliang Ibana
· Sai
mangihut do angka sisean-Na manang na tu dia pe Jesus mardalanani
· Gabe
sangap jala mararga situtu do sandok luat na binolus ni Jesus, ai gabe taruli
sandok luat na ribur nang na so ribur di pasu-pasu. Tudos doi songon
panjangkononna di angka na pogos nang di halak na mora.
Dipardalanan ni Jesus dibagasan ombas on, ima pardalanan-Na
manopot angka na dongan hinaholongan-Na {Joh. 11:5}, jala haroro-Na i ido na
patuduhon holong ni roha-Na (Joh. 14:23). Molo tarimangi sian parsahat ni Jesus
tu bagas ni si Maria, sasintongna tung mansai dokdok situtu i, ai ndang holan
Jesus, tung torop do na ingkon tamueonna, alai ndang pola gabe diholsohon si
Maria i. Sian on ma taida sasintongna:
ingkon peakhononta jala pangkeonta na adong na di hita i {manang arta nang na
sing}tu na dumenggan, tarlumobi ma i dipanghobasioan haholongan nang ulaon ni
huria. Jala godang do resiko siadopan ni si Maria molo dijanghon Jesus
dohot angka sisean-Na, ai jonok tu Jerusalem huta nasida, marningot ndang
denggan do pe kondisi politik hatiha i, tarlumobi mai ala haroro ni Jesus
ditonga-tonga ni halak Jahudi. Ai nunga godang angka na manulak haroro-Na, ala
biar ni roha, alai ianggo si Maria, ndang tarolatan laho manjanghon Jesus
dibagas na. Na ringkot tangkasanta muse, haroro ni Jesus ndada holan asa
marsipanganon, alai hot do ulaon-Na mamaritahon barita nauli. Sada kesempatan
na arga situtu do haroro ni Jesus i dibagas na, siala ni ido umbahen na pintor
margogo ibana jumonok hundul dilambung ni Jesus. Ai ndang diboto ibana be
manang sadihari nari asa boi masa songoni manang sadihari nari bongot Tuhan
Jesus tu bagasna. Marasing muse dohot si Marta, na hobas dipanghobasion
sipanganon, umbahen ndang rap ibana dohot si Maria. Sada hal na arga situtu ma
tutu na binahen ni si Marta, ai naeng denggan situtu jangkononna Jesus i, (taidama: ganup halak na sintong
manghaholongi Jesus ingkon mamingkirhon tung mansai denggan situtu do molo
pasahaton saluhut tu Kristus i, asa lam marsangap Ibana}. Sada pangalaho
sipujion do tongtong pambahenan ni si Maria, ai marningot tradisi na masa di
halak Jahudi, ingkon sangap bahenon tu angka keluarga (Joh. 11:19). Nang pe na
gabe uluaon ibana, ndang na gabe pola maila ibana na ingkon ibana sandiri
manghobasi sipanganon i. Godang do halak
nuaeng on gabe terlantar kelurga ala ni ulaon nang jabatan na.
Sian na dua on ma taida, manang na songon dia do roha ni jolma
na naeng manjanghon Jesus tu dirina nang tu keluargana ganup. Godang do dalan ni jolma laho mambahen las
roha ni Tuhan i. Marragam do nang angka ulaon na pinatupa ni jolma asa nian
mambahen las roha ni Tuhan i. Alai sian dia do taboto, bahwa na taula i,
mambahen las roha ni Tuhan i? Godang halak na mandok, “ala basa ni Tuhan i do
umbahen na hujalo hami na songon on, alai, hea do dihamuliatehon manang hea do
tutu diparsiajari hata i? Manang holan sian parbinegan sambing doi!. Godang
nang halak na mandok, molo dung burju iba, nga las roha ni Tuhan i. Sae doi
mambahen las roha ni Tuhan i? Denggan
jala tangkas do dipatuduhon Jesus ulaonNa di portibion. Jala tangkas do nang
sude angka parulaonNa, tapar doi diadopan ni hajolmaon i. Marjamitai do Tuhan
Jesus, asa nian saluhut jolma i sanga dibege hata ni Debata, jala diantusi dalan hangoluan dohot hamatean
i. Sian luat tu luat do Ibana pararathon barita na uli i. Ndang marnata nang jolma na ni urupanNa, asal
porsea ma sai na tau dapotan do jolma i sian asi-asi ni Tuhan i. Ndang marnata
halak Jahudi manang na so Jahudi, boru Samaria manang boru Sion, dos doi
diadopan ni Tuhan, ai halak na olo tumangihon huhut mangulahon lomo ni rohaNa
do anak haholonganna. Dijanghon do Jesus, asa bongot tu jabuna.
Suang songoni do
tongtong na hita jolma. Ndang mardiaimbar di Tuhan i. Saluhut do ditopot Jesus,
saluhut di dihalomohon Jesus hita, asal porsea hita jala sintong olo umbege
HataNa i. Ganup ari do ditopot Tuhan i parngoluanta, jala ganup ari do sai
dipanghulingi Tuhan i hita. Holan hita do na so pola olo mangalapati angka
suara ni Tondi na sahat tu hita. Na mangihut muse, olo do hita manang jotjot do
hita manjanghon Jesus dijabunta? Manang naung mago do nang tondi i sian
tongatonga ni jabunta. Manang ise do na tabahen na manguluhon jabunta be?
Diturpuk jamita
on, adong dua bentuk na binahen ni jolma laho pasangaphon Tuhan i, manang na
mambahen las roha ni Tuhan i. Na parjolo mai, manjanghon Jesus bongot tu
jabuna, huhut manamue Jesus jala paradehon sipanganon ( SI MARTA). Na paduahon:
Dibagasan unduk jala roha na marsitutu, huhut sintong umbege Hata ni Jesus (SI
MARIA).
Suang songoni do
ra hita hajolmaon. Naeng do tapatupa angka na mambahen las roha ni Tuhan i.
Godang na taula na mandok asa mambahen las rohaNa. Isarana godang do hita na
mangholsohon angka na ringkot di huria i, di rumahtanggana, pola sahat loja
manarihon,mangalului i, nang gabe godang do mambahen pelean na pinasahat na
gabe sada beban dingoluna. Dilului angka dalan ni ngolu alai ndang dihangoluhon. Didok do na
tau alas an, naeng ringkot lehonon tu Tuhan i ala ni ido au umbahen na mangula,
ala ingkon mangula do asa dapotan mangan. Ndang na sangat sala na niula ni si Marta alai sumintong ianggo na
niulahon ni Si Maria.
Mangiburu do
ianggo si Marta di pambahenan ni Jesus. Ai didok rohana ingkon pinsangonna si
Maria ala so olo mangurupi ibana paradehon sipnganon di Jesus. Ai tubu do holso
ni roha di ibana, ai nungga male Jesus, ala naung loja Jesus sian pardalanan
nang sian angka godang ni ulaon na ni ulana. Ido didok rohana. Alai ndang apala
i na pinangido ni Jesus, alai asa ma nian olo nasida manangihon jamita manang
hata ni Jesus. Ala ni ido umbahen na dimuruki Jesus si Marta. Dang na so las
roha ni Tuhan i dipasahat si Marta peleanna, dihobasi si Marta Jesus, alai lobi
la roha ni Tuhan i, molo sahundulan huhut ditangihon si Marta hataNa na tau
gabe tohap na sumurung na sian Jesus i.
Na masa on pe,
olo do masa dihita jolma. Mangiburu do portibion diangka jolma na olo
manangihon hata ni Tuhan i. Isarana, godang do angka insakinsak di jolma na
ringgas marminggu, na ringga manangihon hata ni Tuhan i. Godang do mangarehei
on, jala pola do adong na mangolani donganna jolma laho tumangihon Tuhan i.
Godang do na holan mangharingkothon sipanganon pardagingon on. Godang do na sai
holan pasari-sari ngolu parsatongkinan on. Hape na pinangido ni Tuhan i, adong
do tongtong diparade jolmai tingkina laho manangihon hata ni Tuhan, asa huhut
mangula Hata ni Tuhan di ganup gulmit ni parngoluonna. Alai na rumingkot, ido
do jumolo luluan, jala eahan. Martingki be do sude, alai na rumingkot ima,
tumangihon hata ni Tuhan i. Ai ndada holan pelean sipanganon, arta na rumingkot
paradeonta di Tuhan i, alai rohanta na olo rap hundul dohot Tuhan i, huhut
dibagasan roha na ias, jala na marsitutu manangihon hata ni Tuhan i, ai ido
tohap (tumpal) na so boi buaton si
hadirion ni sasahalak jolma. Anggo arta na ditanoon, boi doi unsaton, alai
anggo hata ni Debata, na manontong doi ro di salelenglelengna.
Dung songoni na
masa i, dipaingot Jesus do si Marta dihahuranganna. Ai dok roha ni Jesus, boi
gabe denggan rohana maradophon si Maria jala lam diantusi ibana manang na
songon dia na mar-Tuhan i. Ai Tuhan i pen dang lomo roha-Na mambahen hasusaan
ni jolma, tarlumobi mai muse ala ni sipanganon pardagingon. Ai ido na niida ni
jesus di si Marta, humolso ibana dingolu na diportibi on, mambahen jolma i gabe
agoan di las ni roha. Ai si Maria gam lam ganda do lasni rohana ai nunga taruli
ibana sian hata ni Tuhan i, jala jumonok ibana dilambung ni Jesus. Las ni roha
ni si Maria marbonsir sian: NAUNG DIPILLIT IBANA NA DUMENGGAN DI IBANA. Hohom
do si Maria ndang pola mangalusi laho mangampini dirina sandiri, ai nunga
diboto ibana tu Jesus do dipabotohon si Marta, gabe adong panimbangion, asa
laos Tuhan i ma pasintong tohap tu nasida na dua. Dia tohap na dumenggan i: Ngolu dibagasan Kristus (Joh. 13:8), parjambar/partohap
di Kristus (Heber 3:14); jala rap
sipaneanan dohot Kristus (Rom 8:17). Taingot ma: sasintongna ndang taboto
manang na aha na tau palas
Tidak ada komentar:
Posting Komentar