Bahan Jamita Minggu, 12 Juli 2015; Minggu 6 DUNG TRINITATIS

Markus 6 : 30 - 34, 53 - 56

Manangihon huhut mangoloi pandok ni Tuhan

Pamuhai dohot hatorangan

Boi do hadengganon i manghorhon hasesego? Ai molo dung di dok roha, angka na denggan i nunga boi na pasonang roha huhut na mambaen tabo angka parsaoran di tongatonga ni hajolmaon i. Suang songoni do nang bangso Samaria (Israel Utara), naung gabe sada bangso na na denggan nasida di parngoluan na diportibion, tarlumobi di na lam godang angka bangso naung tinaluhon nasida dibagasan parporangan na mambahen nasida diparsangapi angka bangso na asing, tarlumobi ma i ditingki harajaon ni raja Amasia (Amasia: Di Debata do hagogoon. Anak ni si Joas ( 2 Rj. 12 : 20 – 21); tubu ni: Joahas (2 Rj. 14 : 1 – 2; Raja Juda; mate dibunu pangurupina (pembantu) sandiri 2 Kronika 25 : 27). Godang angka na mamora jala godang angka na marsangap, alai holan diangka paradongan doi, molo di angka na pogos i, tongtong do pogos. Umbahen ido dang adong jumpang “KEADILAN” ditongatonga ni bangso i. Sian hatangkangon ni roha ni nasida na sai dipaida ida Debata, gabe tarrimas Debata. Didok Debata patioptiop tali rambu[Tali rambu (bhs. Indo: Tali Sipat): ima sada tali na pinangke ni angka pande bangunan, na boi marnida hadengganon ni sada dorpi (dinding), manang naung tigor manang na bengkuk. Tali rambu on, ima tali na diujungna dibahen simbora (timah)], na patuduhon nunga di bahen Debata sada penilaian di pangalaho ni bangso i. Nunga godang angka “buntul-buntul”, jala ingkon sipahornopon. On ma na mambahen Debata ringkot pasingothon bangso i, asa muba. Sipaingot ni Debata dipatupa marhite na ingkon masa uhum na dokdok situtu, jala ingkon marparniahapan na hancit bangso i. Dijou Debata Panurirang Amos asa pabotohon sangkap ni Debata naeng manguhum nasida siala angka pambahenan ni na so mangulahon “keadilan” i.

Marhiterhite sian angka tanda dipatuduhon Debata do na naeng rimasan ni Debata do Samaria. Marhite Panurirang Amos pasahathon tona ni Debata. Alai nang pe songoni, sai tongtong dope ro mangelek Panurirang i, asa nian marpangulahi roha ni Debata mida bangso i, unang di uhum. Alai ndang sangkap ni panuriang i, sangkap ni Debata do. Ingkon do hona uhum nasida. Jala saluhut bentuk uhuman na naeng pamasaon ni Debata, dipataridahon marhite sian parnidaan na ni ida ni panuriang, termasuk mai sian isi ni turpuk on, ima parnidaan na patoluhon sian lima parnidaan i (tali rambu).

Alai nang pe naung pinasahat ni Panuriang i tona ni Debata, alai gabe marsogo ni roha do angka na umbegesa, ai dang lomo roha ni nasida umbege barita sisongoni. Sian angka alus ni nasida, tarida do na margabus disandok angka na niula nasida. Didok rohanasida na denggan do nasida di adopan ni Debata (Alai anggo di Betel  unang be datdati manurirangi! Ai huta habadiaon ni rajai do i, jala hundulan ni harajaon do i.) Dang panolsolion na ro sian nasida, alai pembelaan diri huhut pembenaran diri. Naeng do dipalao panurirang i ala na hata ni Debata na pinasahatna. Dipalao panurirang i sian Samaria (Panurirang Amos:”Penanggung Beban”:  marharoroan sian huta Juda na margoar Tekoa 19 km sian Juda, manang ndang halak Samaria ibana. Holan na manurirangi do ibana disuru Debata tu luat Samaria hira-hira di taon 782 – 753 sM (Amos 3 : 9 – 12; 4:1-3; 6:1-7). Alai ndang olo ibana goaron panurirang, ai didok rohana parmahan do ibana jala na sai papungupungu boras ni hau antajau.)

Adong dua na taida di turpuk on na marimbar di angka ulaon ni imam dohot panurirang i. Molo ulaon manang pangalaho ni imam Amasia, ima adong berbau unsur politik (mencampur adukkan dengan urusan kenegaraan). Adong do biar ni roha di imam Amasia mangalo sangkap ni raja na sala i, ai molo so dipangke raja be ibana mangula, ndang taruli dalan ni ngolungolu ibana. Siala ni ido umbahen na gabe olo raja tumangihon hatana. Alai ianggo hata ni Panuriang Amos ima tona partondion nasian Debata, ndang ditangihon raja i, ai nga maralo didok rohana. Alai ndang na holan mangoloi raja i si Amasia, dohot do nang mangalo panurirang Amos umbahen didok:”jala disi ma ho mangan sagusagu, jala disi ma ho manurirangi!”. Alai sai hira na diparsoada Panurirang Amos hapanurirang on na, alai on didok panurirang i, holan asa mangalo pangantusion ni si Amasia do ibana, jala memang toha do saluhut na nidok ni panurirang i. Laos pandohan ni panurirang i, naeng patangkashon manang songon dia do panjouon na sintong na sian Debata di ibana nang di angka na mandok dirina angka pangula ni Debata.

Aplikasi

1.      Nunga lam sego nuaeng parrohaon ni angka na menjabat di negara on, nunga lam so mabiar be mamereng Debata. Ndang paduli be dohot hasintongan ni Debata

2.      Suang songoni, nunga lam godang angka halak Kristen na mangihutihut mangulahon sisongoni, ndang be marhabiaran mangulahon hajahoton i.

3.      Alai nang angka “imam” saonari pe nunga be mabiar patolhashon sangkap ni Debata. Nunga gabe lomo ni roha ni “pamarenta be  na ni oloanna”, ndang be tarida jala tarbege “suara kenabian” i ditongatonga ni bangso on. Nunga be di ihuthon jala di oloi angka politik ni negara

4.      Saluhut do hita halak na tarpillit. Ai naung tarpillit do hita molo naung gabe halak Kristen na tutu hita. Saluhut do hita ingkon mamaritahon sangkap hatuaon ni Debata, tu dirinta nang na tu humaliang hita.

5.      Ingkon rap mangulahon “keadilan do hita”

6.      Unang sanga muruk Debata, gabe dipasahat Debata “tali rambu – tali sipat) laho manguhum huria i hinorhon ni na sai mabiar mambahen angka na denggan hombar tu lomo ni roha ni Debata.