Bahan Jamita Epistel 06 Maret 2016: Josua 5 : 9 -12

Nas: Josua 5 : 9 - 12

Gohi hamu ma na pinangido ni Debata, asa malua hamu!

Ndang pola sadia leleng nari, bongot nama hita tu parningotan di ari hamamate ni Jesus (Jumat Agung), dohot Paskah (Ari Haheheon ni Jesus sian na mate), laos dibagasan minggu-minggu on, nunga dipaingothon tu hita asa adong pangaradeon taringot tu si. Minggu on ima minggu LETARE (Marlas ni roha ma hamu), laos on ma minggu Passion na palimahon (PASSION V). Pangaradeon dia do huraha na ringkot taringot tu Paskah on? Sungkunsungkun na sisongoni boi sajo doi gabe tubu, alai sasintongna sungkun-sungkunon ma na patangkashon tu hita na hurang tangkas dope pangantusionta taringot tu Paskahi sandiri jala ndang taboto aha do paskah i jala boha do tutu panghorhon ni paskah i tu hita sandiri. Salpu boti do sipata Paskah so martanda di hita, sae songoni do ulaon Paskah i dihita sio marpanghorhon na denggan di hita. Ai boasa so marisuang di hita Paskah i, ai hita sandiri pen dang tangkas pangantusion jala ndang adong pangaradeon gabe mambahen hita ndang manghilala manang na songon dia do hinatabo ni parbue ni PASKAH naung pinarade ni Debata di hita. Antong, marhite turpuk jamita sadarion taparade ma rohanta, asa rap mangauhon hita taringot tu paskah, asa marlaba hita na marpaskah:

Hatorangan

Taboto do tangkas manang na songon dia parngoluaon ni bangso Israel saleleng nasida maringanan ni Misir. Termasuk mai hangoluan ni parugamoon ni nasida (partondion), na so apala sintong, banhkan boi dohonon nunga be sega partondion ni nasida. Ai manang songon dia na masa di Misir, i nama dipaihutihut nasida, jala godang do nang nasida na manghalomohon ulaon sisongoni, songon na ni ula ni bangso Misir. Hinorhon ni ido, ndang diloas Debata bangso Isarel na ruar si Misir bongot tu tano na niuarihon ni Debata (Kanaan), asing ni si Josua dohot si Kaleb (4 Musa 13 : 30 – 14:38; 5 Musa 1 : 36). Laso songoni do nang taringot tu ulaon Paskah, tung na so jadi nasida boi mangulahon i, ia so jolo digohi nasida saluhut na pinangido manang naung niaturhon ni Debata, tarlumobi mai masalah SUNAT. Halak Israel ingkon jolo di Sunat do asa boi nasida mar-Paskah. Jadi pandohan ni Debata dison taringot tu “manggulangi haurahon Misir” (CELA MESIR)ay. 9: ndang taringot tu parulaon ni Misir tu nasida manang sotaonon ni nasida saleleng nasida maringan di Misir, alai manundati satongkin (penundaan) pelaksanaan ni perjanjian ni Debata dohot si Abaraham na ditandai marhite SUNAT (bnd. 1 Musa 34:4). Nang pe naung dipalua nasida sian Misir, jala naung dipasada nasida dohot Debata marhite Parpadanan di Sinai, alai dipasohot nasida doi marhite angka ulaon na maralo tu Debata ima marhite angka ulaon na manomba debata sileban (ganaganaan) tarsongon halak Misir (2 Musa 16:3; 4 Musa 11:5, 18; 14:2-10; 16:13). Hinorhon ni pangalaho ni nasida, dipangidohon si Musa asa marhamubaon ni roha nasida (bertobat) marhite tanda SUNAT (5 Musa 10:16). Uju rap nasida dohot angka malim (imam) ni bangso Israel bongot tu tano parpadanan i jala dipatuduhon nasida roha na marpangoloi di sude angka syarat-syarat na nilehon ni Debata, marhite na olo nasida di Sunat, hinorhon ni roha na maila ala ni parsombaon ni nasida tu ganaganaan i dohot hagiot ni daging na binoan manang na niiuhuthon nasida sian Misiri i, ingkon dipasiding manang dibolongkon. Didok goarna GILGAL na parjolo lapatanna: lingkaran gabe “mandabuhon” (menggulingkan: bnd. Jos. 4:19 – 5:1). Jadi boi dohonon, Sunat ima horong na parpudi dipangaradeon ni Debata maradophon bangso-Na andorang so mangulahon PORANG na BADIA (Perang SUCI). Ala bangso Kanaan nunga be tung masnai tahutan, laos dison ma diparentahon Debata angka suruanna asa paradehon diri marhite sunat, songon syarat laho mangulahon PASKAH (2 Musa 12:44, 48). Laso ditupuk, ima nasida naung na marsunat (naung manggohi lomo ni roha ni Debata), gabe tau nasida manganton sagusagu (gogo ni tano i), sae ma nang Manna i ai nunga di lehon Debata be dinasida gogo ni tano i laho hangoluan ni nasida, jala ndang jadi hahurangan be nasida di sipanganon pola manipat sataon bolon di Kanaan.

Sipahusorhusoron/siboanon tu jamita

a.       Paskah : ima pesta na parjolo sian tolu pesta nab alga na niulahon ni halak Heber. On ma parningotan taringot tu surusuruan hamatean (Malaikat maut), na mandapothon bagasa ni Israel uju masa pamatehon anak siangkangan (anak sulung) di tano Misir (jolma nang pahanpahanan), andorang so ruar dope bangso Israel sian Misir. Didok do on muse: pesta roti na so ni ragian (pesta roti tak beragi). Birubiru Paskah na sineat songon partanda ni Kristus dohot na tinaon-Na. Paskah ni halak Kristen ima Parsaoran na Badia (Perjamuan Suci).

b.      Paskah ima sada ulaon na ringkot di halak Kristen, ala marhite sian Paskah i boi dapotonta:

1.      Hatigoranta : Rom 4:25; 8:34)

2.      Hasesaan ni dosa: 1 Kor. 15:17

3.      Panghirimon: 1 Kor. 15:19

4.      Dasar ni haporseaon: 1 Kor. 15:14, 17

5.      Jala sian on ma idaonta hinasintong ni Anak ni Debata ia Ibana (Jesus)

c.       Jadi hinorhon ni, saluhut halak Kristen ingkon:

1.      Mangarede na sintong laho mangulahon paskah, asa unang holan hasomalan sambing be na marpaskah i

2.      Pangaradeon i, ima pangaradeon tu hamubaon ni roha

3.      Pangaradeon ndada holan hata, alai adong sada tanda na tutu situtu jumpang hamobaon ni roha

4.      Halak na olo marhamubaon ni roha do na sasintongna boi bongot jala mangulahon paskah.

5.      Halak naung taruli sian asi ni roha ni Debata marhite hasesaan ni dosa i, jumpang ni ibana ma hangoluan, ndang hurangan be, jala gok las ni roha ma nasida.

6.      LETARE: marlas ni roha ma hita manomunomu haroro ni haluaon i dihita, ai nunga dipaimbaru Debata hita, marhite hagogok ni parpadananta dohot Ibana. Antong, marlas ni roha ma hita, ai saut do haluaon di tajalo sian Debata.

Bahan Jamita Minggu, 06 Maret 2016; 2 Korint. 5 : 16 - 21

Ev. 2 Korint 5 : 16 - 21 

Ngolu Naimbaru dibagasan Kristus

Patujolo

Di bangso Indonesia on, adong do 6 ugamo na diakui, nang marragam angka aliran kepercayaan.  Sian na 6 on, nang sian angka aliran kepercayaan i, saluhut na do mangarahon jolma i asa tu hadengganon, hadameon, las ni roha, mangajarhon hasintongan (keadilan). Tarlumobi ma di ugamonta, KRISTEN na tongtong mangondolhon saluhut angka bangso na pinillit i ingkon mangolu dibagasan hatiuronNa, na tumadingkon haholomon (patudos: 1 Petrus 2:9). Jadi sandok halak na marugamo, sasintongna ingkon patuduhon sada perubahan di sandok parngoluonna, ai molo ndang i, tudos doi na marsoadahon Tuhanna jala mangagohon lapatan ni ugamo i sandiri. Ugamo i unang holan partanda i, alai ugamo i sandiri ingkon boi paubahon ngoluna tu na lobi denggan. Alai taida ma nuaeng on, justrus halak na marugamo i do na patuduhon haurahon, na so olo mardame jala ndang menghargai jolma na asing, antong aha do imbar ni halak na so marugamo dohot na so marugamo (atheis)?

Hatorangan – Aplikasi ni turpuk

Hata “mangihuthon pardagingon” (ukuran manusia) na diadophon tu hata “dibagasan Kristus” marlapatan doi ndang ala lomo ni roha ni jolma i sandiri be mambahen sada ukuran tu sandok na adong di nasida. Ala jolma i ndang be badia, alai nunga be dibagsan gok dosa. Hinorhon ni dosa i, na boi na ma sandok angka naung nidok manang naung piningkiran ni jolma i gabe mubauba, jala ndang ala ni hasintongan. Hape sasintongna, halak na mandok dirina naung mangolu dibagasan Kristus, ingkon jumpang do sada perubahan tu hasintongan. Ai halak na dibagasan Kristus, sasintongna naung diojakhon do dirina tu bagasan Kristus i gabe marparange songon Kristus i sandiri, Galatia 2 : 20:” 20  Ndada ahu be na mangolu i nuaeng; Kristus do mangolu di bagasan ahu. Ia mangolu pe ahu nuaeng di bagasan daging, mangolu marhitehite, haporseaon di Anak ni Debata, na mangkaholongi ahu jala na mangalehon dirina humongkop ahu. On ma halak naung mangolu dibagasan Kristus. Halak na porsea tu Kristus tarida doi sian ngolu naung dipauba dibagsan Jesus Kristus, gabe mangolu hombar tu lomo ni roha ni Kristus do ibana, ndang ala rohana sandiri manang roha-roha portibion (pardagingngonna). Gabe ditadingkon ma pangalaho jala roharohana na parjolo, ai sasintongna tu mansai maol do paluahon i, jadi ringkot situtu do ingkon margogo jala marhabaranion do halak Kristen laho manggotaproharoha haportibi on i, asa unang holan goar na mangolu dibagasan Kristus, alai parulaon diluar ni Kristus. Jala saluhutna i ditingkina i ingkon dipertanggungjawabhon doi. Pertanggungjawaban na sintong i ima molo hombar tu pangondolhonon ni Hata ni Debata. Pangalaho ni ha_kristenon i dipahombar tu pangalaho manang pambahenan ni Kristus. Kristus i naung mate jala hehe gabe jolma na imbaru. Siala ni ido ngolu na buruk ni halak Kristen i nunga be mate dibagasan hamatean alai hehe dibagasan ngolu na imbaru (sai songon na tinompa na imbaru jolmai, tinompa ni tangan ni Tuhan i muse). Ndang jumpang be di bagsan hadirionna na gabe ukkuran ni hajolmaon, alai nunga be ukkurabn dibagsan Kristus. Ai songon si Paulus na uju i, na gabe sipangalelei siihuthon Kristus i, nunga be marhamubaon tu na lobi denggan muse, ima na gabe sibaritahon Kristus i. Mandok hata marhangoluan na imbaru, ra tung mansai mura doi jala ndang pola dokdok i, alai sasintongna tung mansai maol doi ianggo laho ulahononton. Siala ni ido, tompa na imbaru ndada ro sian hagogoon manang roha-roha ni jolma i sandiri, manang sian angka halak na asing na adong huaso manang talenta dibagasan hadirionna, alai tompa na imbaru i marharoroan sian sangkap dohot lomo ni roha ni Debata. Tompa na imbaru masa i molo olo Debata laho manesa dosa ni jolma i. Tompa na imbaru, berarti Debata mangula dibagasan jolmai.

Marhite pardamean na pinatupa ni Debata dohot jolma i marhitehite Kristus i, ima na olo Debata manang Debata sandiri do na ro mandapothon jolma i asa mardenggan. Ndang songon jolma, ingkon ma marsala i do ro manjumpanghon na sintong i, alai ianggo Debata, ndang songoni. Umbahen i do, pardamean i ndang na gabe jolma i na manesa parbadaanna dohot Debata, alai Debata sandiri manalesei. Ndang tarpatupa jolma i hadameon i maradophon Debata, ai maradophon dirina sandiri pen dang boi dope jolma i patupahon hadameon.

Jadi haroro ni Debata mandapothon jolma i, marlapatan doi na olo Debata mangalupahon manang ndang manjujur hahurangan ni jolma i. Ai diboto Debata na gale do ianggo jolma i, jala diida Debata doi adong di ngolu ni jolma i. Pardamean i sandiri dipatupa marhite haroro ni AnakNa na sasada i tu portibi on, jala tarsilang jala mate.  HamateanNa i nunga be pangosinghon saluhut angka na paholanghon jolma i dohot Debata. Hadameaon na dipasahat ni Debata tu jolma, ndang tarasam i, ndang tartuhor i, siala ni sasintongna, hadameon na ditawarhon ni Debata nunga gabe daya tarik i asa olo jolma i ro manang mulak tu Debata. Asa sada dohot Kristus songon Nasida naung sada i.

Siboanon tu jamita

1.       Goar ni minggu sadari on ima: Letare: Marlas ni roha ma hamu, manogihon sandok halak Kristen asa marlas ni roha. Aha ma sihalashonon ni jolma i nuaeng? Sada partingkian manang sada kesempatan dilehon jolma i nuaeng, marhite panogihonon ni turpuk jamita on asa gabe tompa na imbaru nasida dibagasan Kristus i. Unang sanga salpu, binsan sadihari dope, asa nian jolma i marhamubaon. On sihalashononton, ndang lomo roha ni Debata mate hita, alai naeng ma dipaimbaru hita dibagasan Kristus i. Ai nang tu si do hita dijou, tu parsaoran dohot AnakNa naung mate di hamatean i jala hehe tu hasangapon, laho pangoluhon hita na mate ala ni dosa i jala hehe tu hasangapon.

2.       Hadirion ni halak Kristen ingkon gabe tiruan tu sandokluat nang halak pe. Unang be gabe holan goar i ha_Kristenon i, alai pangalahonta ma i paboa na hita siiuhuthon Kristus jala na mangolu dibagasan Kristus.

3.       Marhamubaon ni roha marhite na pasahathon dirina tu Debata. Ai na maol situtu doi ianggo na marhangoluan na imbaru, alai molo dibagasan Kristus i do dipasahat jala diampehon ngoluna, sai na pargogoan ni Tuhan i do, gabe tompaan na imbaru

4.       Songon na nidokna nangkin: tompa na imbaru ndang sian roha-roha ni jolma manang sian halak na asing i, alai holan sian sangkap dohot loo ni roha ni Debata doi. Siala ni psahat ma dagingmu, rohama, nang sandok parulaonmu. Loas ma Tuhan na mangula di ngolum. Bolokkon sian rohami luhut na so ture, alai na sian Tuhan i, ramoti ma ma sude.

5.       Las do roha molo uli nang gareja i, alai gareja na sasintongna ima roha nang ngolunta siganup ari.

6.       Ha-Kristenon ta i ndang “PANGKAT” manang “Holan goar kebanggaan i” alai nang ma jumolo hita bangga ala ni hadengganon, hasintongan i gabe tutu targoar hita halak Kristen. Pangalaho dohot parulaon i do mamboan hita tu KRISTEN na sejati.

7.       Padame ma dirim tu dirim, donganmu dohot tu Debata!

bahan Jamita Minggu, 28 Pebruari 2016 - Jesaya 55 : 1 - 9

 Ev. Jesaya 55 : 1 - 9 

Ida jala dai hamu ma denggan basa ni Jahowa 

Patujolo – Hatorangan – Aplikasi

Taboto do ra barita ni lumpur lapindo. Saluhut masyarakat i ndang margogo. Mauas do nasida dipanghirimon di naso adong sihirimon. Masihol do nasida dihasintongan ni uhum i. Marsurak do nasida mangido pangurupion tu uluan ni bangso on dohot angka wakil rakyat na dibagasan ombas on marsoal holan laho mangaharingkothon na di nasida sandiri, jala ndang adong di nasida solusi tu saluhut angka na mangadopi hasusaan i.

Dipukka si Jesaya mamuhai bindu manjouhon angka na mauas. Boasa? Mungkin di Indonesia on ndang pola diholsohon dope taringot tu aek dohot musim kemarau, alai di bangso Israel (Padan Na Robi) on ma sada na tung mansai sihabiaran ala didok nasida sada kutukan do molo masa kekeringan (tajaha: 5 Musa 28:15). Tano Israel adong do Sungai Yordan alai ala dolokdolok do huta i, tung mansai maol do mandapot aek. Jadi sian dia do nasida taruli di aek? Holan gogo ni tangiang do asa tubu angka suansuanan jala marparbue. Alai saluhutna i masa molo satia do nasida tu Debata (1 Raj.17:”Ruth”, ndang ro udan ala dosa ni bangso i na manomba ganaganaan). Songoni do nang uas ni nasida saleleng nasida mian di Babel, na mauas di haluaon sian Debata. Jotjot do ra hita mangadopi gersang ni partondion (roha), sai songon naung sega saluhut nasa na adong dingolunta. Ditingki songon on masihol situtu do roha adong nian huaso dohot gogo. Ditingki songonon do hita denggan “pasaorhon diri dohot tu na manompa hita”, asa boi jumpang hasonangan sian na loja jala na sorat i. Alai Israel na mauas i ndang jumpangan di naniluluan nasida. Panurirang Jesaya mansoarahon panjouon ni Tuhan i tu saluhut halak na mauas asa ro tu mata mual (aek), ima aek hangoluan (bnd. Mat. 11:28; Joh. 4:13-14). Dijouhon Debata do hita asa ro hita tu Ibana, alai sai taetongi do “argana” na tung borat tahilala taporsan. Ala godang do halak merasa tersita tingkina na marsaor dohot Debata, jala gabe sada batasan dihasonangan ni rohana (ndang boi marlomolomo be, marmeammeam dohot dongan), manang godang do halak Kristen didok pabadiabadiahon (sok suci).Hape na so taboto do, ndang tartuhor hita hangoluan dohot haluaon na pinarade ni Debata di hita nuaeng tarlumobi ari marsogot. Hape didok Debata do: ndang marhepeng manuhor, alias : GRATIS. Di ay. 2 Boasa tung mandasing hepeng hamu tu na so tau hangoluhononhon, jala na niomomuna tuhor ni na so tau pasonang hamu? Sai tangihon hamu ma ahu, asa panganonmuna na tabo i, jala bosuran rohamuna di tabotabo., Ditawarhon Debata do gratis alai boasa hita godang mambolongkon tingki, gogo dohot hepeng tu angka na boi tadapot gratis sian Tuhan? Boasa pola sai talojai dirinta di luar ni Tuhan i na so boi pasonang ngolunta? Ndang pola diharingkothon Tuhan i hepeng ta i. Ndang boi dapotta Tuha n marhitet gogonta dohot hepengta manang hasangaponta, manang na aha pe i ndang boi manggantihon Tuhan i. Saluhutna na diportibi on parsatongkinan doi na marujung tu hapariron, kekecewaan, holso, jea dohot hamatean. Holan Debata do na boi mangalehon hadameon di portibi dohot di banuaginjang. Diondolhon Panurirang Jesaya tu bangso Israel di uas dohot haraporan ni partondion nasida, ingkon do jumolo nasida olo manangihon dohot denggan (Tangihon hamu ma, asa mangolu tondimuna i! ay.3) Pola tolu hali didok hata tangihon, boasa? Ala mangan siapnganon nasian Debata ndang pola gararon manang mangula alai marhite na tumangihon do. Lao ro tu Tuhan na mangalehon hagogok ni hinirim ni roha i holan marhite manangihon Ibana do. Tung so boi do hita ro tu Ibana molo so olo hita manangihon Ibana. Tung so boi do panganonta na sian Ibana i ia so olo hita manangihon Ibana. Manang MATE do halak na so olo manangihon Debata. Alai padan na pinasahat ni Jesaya dison ndada sipanganon na boi tinuhor alani pangoloion (ketaatan). Padan na pinasahat ni Jesaya ima padan na imbaru umbahen ido didok ibana hata “Jadi bahenonku ma tu hamu”..(Indo: Aku hendak mengikat perjanjian...). Hata on patuduhon ari nanaeng ro, alai Padan on Padan na hot rodi salelenglelengna do, jala padan on padan holong ni roha marhite si Daud (perjanjian kasih setia dan kekal). Aha do padanNa i? 2 Sam. 7 : 12-16. Jesaya ndang manghatahon padan i ala ni pangoloionta, alai padan na ro ditingkina marhite pinompar ni Daud. Disima pasombuonna uas dohot haraparon ni jolma na porsea i. Sitindangi songon dia do (ay. 4)? Jesus ima na gabe sitindangi ni Padan ni Debata dohot jolma. Jesus na gabe jaminan ni Debata laho mangurupi jolma. Jesaya mamangke hata sitindangi dohot partogi (saksi dan penjamin), ai Jesus do na gabe PARTOGI hagogok ni Padan ni Debata tu jolma i. Jadi marhite Jesus dapot jolma i ma haluaonna dohot ngolu na salelenglelengna. Di ayat 5 didok: Ida ma, bangso na so tinandam hian ingkon jouonmu do, jala bangso na so tumanda ho ro manahopi ho ala ni Jahowa Debatam dohot ala ni na badia ni Israel, ai nunga marmulia ho dibahen.. Marhite Jesus saluhut bangso dapot haluaon. Hita bangso Batak (Indonesia), ndang bangso Jahudi, ndang pomparan ni Abraham hita secara langsung, alai dohot do hita di haluaon i marhite Padan Na Imbaru i. Hita do bangsoNa i na sian sandok luat portibi on na parsidohot majalo haluaon na sian Debata. On ma Padan Na Imbaru ni Debata dohot jolma (Illustrasi: “Kebenaran dan Kesalahan”: Penting bagi kita untuk membedakan antara kesalahan pribadi yang harus dengan rela kita ampuni, dengan serangan terhadap Injil Kristus yang sengaja dilakukan; kesalahan yang akan dihakimi Tuhan. Paulus menyatakan perbedaan itu dalam suratnya kepada rekan pelayanannya yang masih muda, Timotius.  Pertama, Paulus menulis dengan rasa hormat tentang seorang seteru Injil: "Aleksander, tukang tembaga itu, telah banyak berbuat kejahatan terhadap aku. Tuhan akan membalasnya menurut perbuatannya. Hendaklah engkau juga waspada terhadap dia, karena dia sangat menentang ajaran kita" (2Timotius 4:14,15). "Kejahatan" Aleksander terhadap Paulus tidak ditujukan kepada Paulus secara pribadi, tetapi terhadap pemberitaannya. Dan kini ia menentang pemberitaan Injil yang dilakukan oleh Timotius.  Untuk membandingkan dan membedakan secara jelas antara mereka yang menentang pekerjaan Allah dan mereka yang berbuat salah kepada kita secara pribadi, Paulus mengucapkan kata-kata ramah ini, "Pada waktu pembelaanku yang pertama tidak seorang pun yang membantu aku, semuanya meninggalkan aku -- kiranya hal itu jangan ditanggungkan atas mereka" (2Timotius 4:16).  Sungguh menyedihkan! Paulus ditinggalkan para sahabat kristianinya, justru ketika ia sangat membutuhkan dukungan dari mereka. Apa yang harus dilakukan terhadap mereka? Sebenarnya mereka pantas menerima kemarahan Paulus. Namun, ternyata Paulus tidak marah. Ia justru berkata, "Kiranya hal itu jangan ditanggungkan atas mereka."  Tuhan, bantulah kami untuk berbaik hati juga --David Roper PERLAKUKAN KESALAHAN ORANG LAIN SAMA BAIKNYADENGAN PERLAKUAN ANDA TERHADAP KESALAHAN ANDA SENDIRI).  Molo tung manghilal hita nuaeng loja jala sorat, gok angka persoalan manang parungkilon dingolu i, ditogihon Jesaya hita, ditogihon jamita on hita asa ro tu Jesus. Tu Jesus ma pasahat saluhut holso, halojaon dohot hasoraton i jala pangidohon pangurupionNa, ai gok holong ni roha do Ibana jala dirohahon do hita. Tung so maurat do hita (kecewa) do hita dibahen Jesus. Ai Ibana do Tuhan na gok hasetiaon jala na manghaholongi hita. Tarida doi sian pandohan on (ay. 6), diarahon do jolma i asa dilului Tuhan i (ndang na martabuni manang na lao Tuhan i umbahen na so tarida, alai jolma i sandiri ndang diboto didia do Tuhan i ai diago rohana do sanok jolma i, umbahen ndang boi diida nasida Tuhan i). Panjouon ima sada kesempatan di jolma, umbahen didok:”binsan sadihari”: dilehon Tuhan i dope kesempatan di jolma mulak tu Debata. Siala ni i (ay. 7) ingkon tadingkonon ni jolma i do nasa roha-rohana sandiri, ima hajahaton ni rohana i. Dibolokkon ma geduk ni rohana, dungi idaon ni nasida ma Debata ihut lehononna asi ni rohaNa. Ai dang adong gunana sai rohar-roha ni jolma i sandiri di bahen, ai saluhut na adong jala na so adong i Debata do na mambahensa, jala partingkian i pe, Debata do nampunasa, ai ndang lomo ni rohanta, lomo ni rohaNa do. Ai ndada pingkiraNa pingkiranta jala ndada dalanta angka dalan ni Jahowa. Artina: ndang tarpingkiri hita sasintongna ianggop ngolu na diportibi on, jala ndang hadalanan ni jolma dalan saleleng di tono on, holan ala asi ni roha jala lomo ni roha ni Tuhan i do umbahen na manjadi hita sahat ro di tingki saonari on. Antong molo songoni do hape, boasa marpangunsandean hita tu lomo ni rohanta jala pingkirannta sandiri? Ala ni on do umbahen na gabe mura jolmai madabu tu hadosaon jala gabe ditundalhon Debata. Antong, loas ma pingkiran nu Debata na mangula dibagasan ngolum, parsoadahon ma dirim di adopan ni Tuhan i, dungi lehononNa ma di hita tumpal hangoluan saleleng di tano on do pe hita jala surgo i gabe inganan ni tondinta. Amen!