Ev. Markus 10 : 46 - 52
Dipamalum Jesus
do angka na marhaporseaon
Patujolo
Ganup halak pasti do adong
panghirimon dibagasan ngoluna. Boi doi panghirimon asa marhangoluan na denggan
(hidup layak), na mar-JABATAN manang asa ber-KARIER na denggan, relasi na
denggan dohot lan angka na asing. Antong, aha do panghirimon ni sahalak na
mapitung (BARTIMEUS, artina: PUTRA TIMEUS, sahalak tokoh na terkenal di gereja
purba. Na masa na niadopanna tongtong doi disurathon di bukku injil na asing
(sinoptik), nang pea dong jumpang haimbaron. Dibagasan Mat. 20: 29 – 34 digoar
adong dua halak na mapitung, hape di Luk. 18:35-43, pamalumhonsa ima andorang
so Jerikho, Bartimeus ima sahalak pengemis na tubu di Jerikho). Sian angka na
marasing i, molo Markus on mandok ibana ima sahalak pengemis naung matua, jala
nunga tung torop halak manghatai. Goarna
Bartimeus anak ni Timeus, na marlapatan hombar tu pangantusion ni halak Jahudi
ima: ANAK NI SAHALAK NA BUTA”. Ibana sahalak anak na buta sian bapa na tong
tong mapitung, na mambahen ibana gabe lam marungkil, alai lobi sian tingki
parmalumNa na patuduhon tanda holongangan. Umbahen ido parmalum na i, tradok
doi parmalum ni “partondion” yang sintong situtu dipamalu Kristus, ala na
mapitung i ndang dipamalum sian hapitungonna sian na tubu, alai na sorang sian
na mapitung.
Hatorangan
1.
Halak na
mapitung i, manehenehe dipinggol ni dalan i. On ma siparateatehononta, nasida
siala pangaramotion ni Debata, ndang margogo mambahen dalan na asing laho
mangalului ngolungolu, siala ni ido, hita na ma na mangulahon na denggan tu
nasida (ber-amal). Ingkon jumpang roha parduli tu angka na songon nasida.
2.
Joujou do Ibana
di Tuhan Jesus, mangidohon asi ni roha: O Jesus, Anak ni si Daud, asi ma roham
mida ahu! Parsorion (kesengsaraan) ima
na gabe sada tujuan ni asi ni roha i. Ala ni i, sai dipatuduhon ibana do
parsorionna asa tubu asi ni roha di anak ni si Daud, na ditingki dibagabagahon
i Ibana, na boi mamuha simalolong ni na mapitung (Jes. 35 : 5). Jadi, molo tapangidohon pangurupion dohot
hamalumon sian Kristus i, ingkon idaonta do Ibana songon Mesias na
binagabagahon i, Silehon asi ni roha dohot pasupasu.
3.
Kristus i
margogoihon na mapitung i asa manghirim jala jumpangan asi ni roha siala na so
i Ibana jala mamarentahon asa dijouhon Ibana. Di hita, unang ala na “SO” i gabe pangambat di dalanta, asal ma na
taulahon i sasintongna manghorhon tu denggan. Halak na adong di na
humaliang namapitung i, na dimulanai mambahen ibana gabe sanga mandele (tawar
hati), nunga gabe balik mambahen gogo di ibana, na margogo do jala marhuaso do
Kristus i laho patuduhon asi ni rohaNa tu ibana. Didok nasida:” Pos ma roham!
Hehe ma ho! Dijou do ho! Jala molo di
jou Ibana do ho, malum ma ho. Taida ma
UNDANGAN ni asi ni roha na pinasahat ni Kristus i tu hita asa ro hita tu Ibana,
ima sada dorongan na tung mansai gogo na laho patubuhon panghirimon, asa hatop
hita rot u Ibana, jala hit ape taruli diangka naung tarparsitta. Loas ma angka
na marsala i, na so manghirimi, na diunjuni, na male, namarsaimara, patoguhon
rohana, ala Ibana manjou nasida asa disesa dosana, asa digohi, jala asa
diurupi, dipabosur, jala diparabit, laho taruli disude angka naung pinarade tu
nasida, hombar tu na ringkot di ganup nasida.
4.
Halak na dangol
i mangintor tibu mangulahon na dumenggan laho manjumpanghon Kristus i; tading
do ulosna jala magira di dapothon Jesus (ay. 50). Dipalua ibana do saluhut na
boi mambahen mara tu ibana, na boi mambahen ibana madabu, manang na boi
mangambati ibana naeng pajumpang dohot Kristus, manang na mambahen gabe lambat
langkana. Jadi nasida na naeng ro
mandapothon Kristus i, ingkon mananggalhon saluhut angka na pasorat ibana, ima
ULOS na boi mandabuhon ibana, ima angka KESOMBONGAN, jala paluahon ganup angka
siporsanonna, dohot dosa na songon ulos na ganjang di dagingna na tau
mangambati langkana (Heber 12 : 1).
5.
Na parjolo na
pinangidona ima: asa dipamalum Kristus i simalolongna, anggiat tung boi
marnida, asa boi ibana mula ulaonna laho dalan ni ngoluna, asa unang gabe
sitanggungon manang gabe beban ibana maradophon angka na asing (tidak lagi
menjadi beban bagi orang lain). Na tung mansai dipangidohon ibana ima asa boi
ibana mansari disipanganonna. Boi ma
dohonon, haotoon bolon do molo tung ala ni losokna jolma i ndang maruli
disipanganonna, na dibahen ibana sandiri gabe mapitung jala pampang. Hape nunga
dipasahat Debata tu jolmai pamatang dohot parnidaan na denggan.
6.
Asi ni roha na
pinangido ni rohana i, saut manjadi do i di bahen Kristus i di ibana (ay. 52).
Adong dua na binahen ni Markus disurat na on:
a.
Dalan ni
Kristus i mambahen marlipat ganda dipanjaloon ni jolma i tu Ibana, marhite na
mambahen sada hasangapon ala ni haporseaonna:”DIPANGOLU HAPORSEAON MI DO HO”.
Haporseaon tu Kristus na anak ni si Daud
dohot asi ni rohaNa nang dohot huasoNa; ndang sidangolanmu, alai haporseaonmu,
na mambahen Kristus i mula ulaonNa. Manang: KRISTUS
i mambahen haporseaonmu mangula. “Pangurupion
na manghorhon las ni roha marharoroan sian haporseaonta sandiri.”
b.
Kristus manjalo
haburjuon na ganda (tarlobi); ditingki naung boi jolma i marnida, di ihuthon
ibana do Jesus di ganup pardalananNa. Sian on ma na patuduhon naung sintong
ibana dipamalum, jala ndang pola be dihaporluhon ibana halak na asing laho
mangurupi ibana, ala naung boi do ibana mardalan sandiri, jala marhite sian on
dipatuduhon ibana do roha maulite hinorhon ni haburjuon ni Kristus na tu ibana,
na mandok: dipangke ibana do parnidaan na i mangihuthon Jesus. Ndang sae holan na ro hita tu Jesus, asa
dapotan hamamalum ni partondion, alai ditingki naung dipamalum hita ingkon
ihuthononta do Ibana, asa taparbadia Ibana jala manjanghon parentaNa. Asa
tapangke parnidaan i mangihuthon Jesus, asa boi ta ida hinauli jala hinadenggan
ni na mangihuthon Jesus, laos manogihon sandok jolma mengihuthon Ibana.
Marhaporseaon tu Jesus jala gabe siseanNa ndang na
holan asa manogihon hita tu angka na bersifat materi, alai mangarahon hita asa
mangantusi taringot tu silang ni Kristus. Marsiajar ma hita sian si Bartimeus,
nang pe mapitung secara fisik, alai diida ibana do Tuhan i marhite haporseaonna
Tidak ada komentar:
Posting Komentar