SILEHON-LEHON
NI DEBATA, IMA TONDI PARBADIA
PATUJOLO
Kepelbagaian,
manang haragamon ni jolma, nang ihut di angka agama manang kepercayaan na dianut
ni angka jolma di portibion, gabe sada kekayaan keragaman doi tarlumobi ma na
jelas taida jala ta boto di Negara ta Indonesia on. Marragam suku nang adat
istiadat jala kepercayaan pe. Sude na i di rahut manang di pasada dohot sada
semboyan “bhineka tunggal ika”. Asa ma nian marsada jala lam togu angka na
marragam i. ihut tusi do na naeng siidaon ta di turpuk jamita on. Kepelbagaian
manang ragam ni suku ima Jahudi nang non-Jahudi, berpengaruh do tong nang tu
angka pandangan-pandangan na berhubungan dohot partondion. Jala apala tongon di
turpuk on taringotanta ma ulaon ni Tondi Parbadia di haragamon ni agama nang
angka suku, ima di tonga-tonga ni bangso Jahudi nang non-Jahudi. Ulaon ni Tondi
Parbadia, dang boi terbatas holan ala angka haragamon ni bangso, alai di ngolu
ni saluhut jolma na manjangkon tondi i, disi do tarida ulaon ni tondi, jala
mian di ibana tondi i. na masa di parngoluon ni si Kornelius patuduhon
kenyataan na imbaru tusi Petrus. Ia si Petrus, halak Jahudi do na membatasi
diri bergaul dohot bangso non-Jahudi, dang boi sahundulan Jahudi dohot non
Jahudi anggo di tingki i, ala bangso Jahudi manganggap sipele begu jala bangso
na lilu do anggo bangso non-Jahudi. Aturan on memang dang gabe sada aturan na
tarsurat, alai nungga gabe songon sada tradisi di tonga-tonga ni bangso na dua
i. on ma na nanaeng si idaon ta, perbedaan pandangan ni jolma dohot ulaon ni
tondi parbadia.
HATORANGAN
Ayat 44 :
“…….songgop
ma tondi parbadia tu saluhut nasida na umbege hata i”
Hata on, mangihut na masa di sada bagas do ima bagas
ni si Kornelius. Ia si Kornelius, ima sahalak na daulat jala ringgas
martangiang tu Debata, nang pe letnan ibana jala dang masuk horong ni Jahudi,
alai halak Italia do, tongtong do biar Rohana marnida Debata jala angka ulaoan
na denggan do ulaonna (1-8). Jala adong sada peristiwa umbahen na gabe boi
sahat si Petrus tu tonga bagas ni si Kornelius (21-48), hape dang boi nian
bongot si Petrus tu bagas ni na so Jahudi ala halak Jahudi do ibana, on ma na
gabe persoalan di hatiha i. sian jamita ni si Petrus di bagas ni si Kornelius
apala tongon di ayat 34-35 di turpuk on, on ma ulaon ni Debata jala na naeng sipapatarhonon
na tu sude jolma na pungu di bagas i. jala terbukti do songon na nidok di ayat
44 on, tondi ni Debata, silehon-lehon ni Debata ima Tondi Parbadia songgop tu sude na pungu disi, lapatan na dang
marimbar jolma i diadopan ni Debata, ai dang mananda bohi Debata, songon
pinasahat ni si Petrus di ayat 34-35 di bindu on. Siala ni do gabe mantak las
ni roha i di sude jolma na pungu di bagas ni si Kornelius, pola longang nasida
saluhut na songon na nidok di ayat 45, “ala di usehon silehonlehon ni Debata, ima
Tondi Parbadia i, nang tu halak sipele begu” patuduhon balga ni holong
ni Debata tu saluhut jolma, naeng do nian dohot angka si pele begu malua jala
mengolu di bagasan Tondi Parbadia sian Debata. ima mula na gabe sada keluarga
na pungu i saluhut na, sada keluarga lapatan na gabe sisada ulaon nasida jala
ala sada do Tondi na mian dinasida ima Tondi Parbadia. Ihut tusi ma gabe di
didi nasida tubasan goar ni Kristus Jesus, asa gabe sisada ulaon tongtong
nasida mamuji jala pasangap goar ni Debata.
REFLEKSI / APLIKASI
Di parngoluon on, songon
naung pinasahat di patujolo ni turpuk on, perbedaan manang haragamon ni sude
elemen-elemen parngoluon, mulai sian bahasa, agama, budaya, ekonomi nang status
sosial pe dang tarbahen sada manang sarupa sude jolma i. alai i sude nungga di
pasada molo di Negara ta dohot semboyan i, na mangondolhon na sisada bangso do
hita nang pe marragam be do hita. Alai na gabe tembok-tembok pemisah sebenarna,
tarlumobi di parngoluon si ganup ari, ima angka prasangka manang rasa curiga,
angka hosom nang elat ni roha, cara pandang ni sasahalak tu angka dongan na na
asing, on do na gabe pemisah tarlumobi ma di hita halak Kristen na masa nuaeng.
Siala ni ma porlu tarajumi jala ta antusi, na sisada ulaon jala sada do tondi
na mian di ngolunta, asa ma sude perbedaan na gabe jurang pemisah di hita boi i
mago. Asa songon na ni dok hata ni Debata di Efesus 2: 13 “alai anggo nuaeng, dibagasan Kristus Jesus do hamu; jala dao pe hamu
najolo, gabe dipajonok mudar ni Kristus i do hamu nuaeng“ dohot hata ni Debata di Johanes 17: 21 na
mandok “asa sada nasida saluhutna; songon HO, ale amang di
bagasan Ahu jala Ahu dibagasan HO, songon i ma nang nasida di bahasa HITA, asa
porsea portibion, HO marsuru ahu”. Siala ni ma nungga ta jalo silehon-lehon ni
Debata di hita, ihut tusi tapelehon ma dirinta asa gabe alat laho pasangap goar
ni Debata di parngoluon ta, ala ngolu ni jolma na manjanghon Tondi Parbadia
mian di ngoluna, tarida ma sian parngoluon na, holong tu saluhut dongan na jolma,
dang adong be perbedaan, alai sisada ulaon ma hita, sisada tangiang mangido tu
Debata. amen
Tidak ada komentar:
Posting Komentar