bahan Jamita: Pangungkapon 3 : 14 - 22; Minggu 13 Dung Trinitatis, 30 Agustus 2015

Ai nasa na huhaholongi, angka i do hupinsang jala huajar. Antong, haringkothon ma na paubahon roha!

Patujolo – Hatorangan

Kota Laodikea, na pinajongjong ni Antiokhus II, keturunan ni Jenderal Iskandar Agung. Kota Laodikea, dipahombar tu do tu goar ni parripe ni si Anthiokus, ima: Laodike,  na siniranghonna taon 253 sM. Kota Laodikea on, tung mansai denggan (strategis), ala di sabola barat, huta Frigia holan sian kota on do boi bongot tu si dohot Filadelpia. Laodekia ima sada kota na mora, ala tung mansai denggan do dison partigatigaan (kota perdagangan), laos parpahanon dison tung mansai berhasil, tarlumobi mai bulu domba mambahen kain wol. Alai di taon 60-61, hancur do huta on hinorhon ni gempa bumi. Alai dipadenggan do i muse. Hinorhon ni hinamaju ni kota on, gabe godang do halak Jahudi maninggalhon Jerusalem holan asa tinggal di Laodikea on. Istilah Amin (bnd. Jes. 65 : 16; Joh. 18 : 37; Pangungkapon 1 : 5). Holan di bagasan nas on do dipangke hata AMIN, na dipangke na gabe goar ni Kristus. Sasintongna goar on marlapatan do i: sintong do! Holan ibana do na boi sihaporseaon (benarlah! Dialah yang dapat dipercayai).  Jadi ingkon porlu do nasida patoguhon haporseaon, ala nunga dipaingot nasida na Jesus do na sintong jala boi dihaporseai.

Digombarhon do manang na songon dia harohaon ni panghaporseaon ni halak di huria Laodikea:

1.       Huria di Laodikea na suamsuam kuku, manang na so marsitutu, ima angka halak na sarombang dohot portibi on, jala tudos doi songon bangso na adong dina humaliangna; mangangkui ha-Kristenon, alai ianggo sasintongna tung lungun roha secara partondion

2.       Tangkas do dipabotohon Kristus jala ondol taringot tu uhumNa tu halak Kristen na sisongoni

3.       Alai dibagasan asi ni roha, sai ditogihon Kristus do nasida asa marhamubaon ni roha. Asa dipatuduhon ha ondolan ni haporseaonna, hasintongan i, dohot hinauli ni parsaoran

4.       Alai ditongatonga ni huria na so marsitutu i, sai jumpang do na marsitutu i, hot do nang bagabaga hamonangan i dinasida na sian Debata. Na ro do Ibana mardongan pasupasu di bagasan huaso ni Tondi jala mangungkap pintu na so tartutup ni manang ise pe, asa sai tongtong nasida mamuji jala pasangap Goar ni Debata huhut mamaritahon barita na uli na manontong i (ay. 8)

Didok Tuhan Jesus, Huboto do…dos doi tu na onom huria na asing, alai dibagasan turpuk on na tu huria Laodekia ndada pujian on, alai sada kritikkan/sipasingot. Didok manang na songon dia do parrohaon ni nasida songon aek na so haru ngali, na so haru las (on sasintongna dibuat sian na adong di luat i: molo aek di Kota Laodekia, tung mansai lambok {segar}, ngali jala tabo situtu. Alai didok Jesus na so haru ngali, na so haru las {suamsuam kuku}. On na manggombarhon roha ni nasida do, siala ni ido, ianggo di Ibana, ndang “mardai” nasida, pola sahat tu na naeng mutauta hinorhonna. Hata na mandok: aut ni haru ngali ma ho manang las nian!....Molo didok las patuduhon hagogoon nang roha na marsitutu (semangat) maradophon Tuhan Jesus. Alai lobi denggan dope molo na ngali dari pada dangoldangol sasilon. Ala molo ngali nasida, tutu situtu ma na so ditanda nasia Jesus i, jala mangalo barita na uli, siala ni boi ma nasida taruli di barita na uli jala dapotan haluaon, ai nang disi do ulaon  ni Tuhan i. Hape andol dao do ianggo pangalaho ni nasida, ala naung diantusi nasida do jala naung di jalo nasida hasintongan i, alai na manorus hasintongan i tu roha ni nasida. Molo dijamita i nasida, dialusi do:”nunga leleng hujalo hami barita nauli jala naung porsea di Kristus.” Nandigan i? Nunga gabe Kristen hami puluhan taon naung salpu, jadi boasa pola ajaranmuna hami. Nunga tutu leleng nasida manjalo Kristus na gabe Sipalua, ala ndang olo nasida na gabe siseanNa, ala ni godan ni “URUSAN”, “PARTIGATIGAAN”, “PARADATAON” lan angka na asing. Ndang sangkap jala lomo ni roha ni Debata na sai dilului nasida. Hinorhon ni on do ndang olo marsaor Debata dohot nasida, ala ni dosa nasida naung mambahen Debata gabe ndang marhasongan. Didok roha ni nasida do naung mamora nasida, alai ianggo di Debata, na parir, pogos situtu do nasida, mapitung jala marsaimara ay. 17. Boha do Tuhan Jesus mandok nasida pogos tu nasida na tung godang artana/masna. Nasida na mambahen miak ni mata, mapitung. Nasida na martigatiga pahean wol, marsaimara. On ma na nidokna :”DANGOL”….(ironis).

Siboanon tu jamita

1.       Huria na so Mar-TUHAN JESUS…nga godang on nuaeng, ala saluhut arta na di ibana

2.       Ndang dihalomohon Tuhan i hita manggogohon na ringkot na dihita holan mangasahon gogonta sandiri

3.       Nunga tu dos hita songon ruas ni Laodekia: Taringot tu na mar-Tuhan: DANGOL DANGOL SISILON

4.       Tadok do hita naung porsea tu Tuhan i, tad ok hita na mananda Tuhan i, tadok do hita na umbaoto lomo dohot sogo ni roha ni Debata, ala naung gabe Kristen hita, jala naung tajalo haluaon i marhite sian pandidion nabadia, umbahen maol situtu nuaeng on mangajari halak Kristen

5.       Unang nian tubu didok rohanta, manang unang ma nian hita manghilalahon jala mandok tu rohanta: naung mamora hita, naung mangan hita, naung marabit hita jala naung tiur parnidaanta…ai ndang taboto didok Tuhan i do tu hita: PARIR, POGOS, MAPITUNG, jala MARSAIMARA do pe ianggo hita…ai ndang sintong na dirohami.

6.       Hadangolanta nuaeng ima: Ndang dihalomohon Debata be hita nuaeng…nunga “BAU” hita diadopanna ala ni dosanta. Ndang “MARDAI” be hita di Ibana, ai nunga paet parngoluonta hinorhon ni naso parduli be hita tu Ibana, jala hita par-pahean na so umboto maila do, ai nunga marsai mara hita binahen ni haringkotan ni hasongan na di rohanta ganup, jala hinorhon ni hatangkangon jala hina-jogal ni roha na so olo muba.

7.       Antong…unang sanga “dipinsang TUHAN i” hita, asa ingkon sonang do ngolunta on, sonang dibagasan TUHAN JESUS,

SSelamat ULANG TAHUN Ma di Gereja Kristen Protestan Indonesi (GKPI) na pa-51 taon. Diramoti Tuhan ma saluhut angka PANGHOBASI ni HURIA i nang tarlumobi saluhut RUAS ni Tuhanta i.....Marsangap DEBATA ala huria GKPI.....SABAS NA MAR GKPI

Bahan Jamita: Josua 24 : 1 - 2a, 14 - 18 , Minggu 12 Set. TRINITATIS, 23 Agustus 2015

Biar mida Jahowa di bagasan pangoloion

{Takut akan Tuhan dan beribadah kepadaNya)

Patujolo dohot Hatorangan

Di ujung ngolu ni si Josua, dipapungu ibana do saluhut bangso Israel {dipapungu ibana di Sikhem: Sikhem on di tongatonga ni tano Israel [bnd. 1 Raja 12]. Jala sian mulana nunga ditotophon Sikhem on na gabe inganan parpunguan parrapoton parugamoon. Di Sikhem on muse di hea si Abaraham pajongjong sada langgatan parpeleanon [1 Musa 12 : 6 – 7, laos do luat on do hea nasida mambolongkon saluhut angka na marhahonaan taringot tu pameleon tu gana-ganaan;  ihut ma muse tano i gabe parbagianan ni si Jakkob}, asa ibana manguluhon PANGARATAION PADAN (Upacara Pembaharuan Perjanjian) na parpudi, uju marpadan nasida din a ingkon mangoloi Jahowa huhut ingkon satia. Ingkon saluhut do bangso i manundalhon ulaon ni nasida na jolo i, naung sanga manomba debata sileban Ndang tu hadirionna di sarihon ibana na gabe sahalak uluan ibana di bangso Israel, alai saluhut bangso i ingkon marnida Debata naung mangalehon dinasida ngolu, dipatupa Debata angka na denggan tu nasida sian na jolo i, na sai tongtong mangarahon nasida asa satia tu Debata. Jadi saluhut na angka uluan ni Israel, ingkon mamodai saluhut bangso i asa Debata ma sioloan nasida jala asa marsangap Debata. Si Josua mamereng, bahwa Jahowa tung mansai berperan anktif di sude parngoluan ni halak Israel, umbahen dipatorang ibana saluhut pambahenan ni Debata tu bangso. Hinorhon ni pambahenan ni Debata, ingkon denggan do alusan jala denggan dibagasan tanggung jawab maradophon Debata. Sada sian pangalusion di angka na denggan na binahen ni Debata ima mambahen sada PADAN na ingkon saluhut do nasida mangoloi Jahowa (beribadah kepada Tuhan). Maol do halak marnida jala manghilalahon i, siala ni ido saluhut halak ingkon do melatih diri, melatih mata ni haporseaon i sandiri laho marnida na binahen ni Debata, asa unang terpengaruh tu saluhut angka na masa di portibi on. Songon si Josua mandok, tung so mangolu ibana so ala ni Tuhan i. Hit ape ingkon dohononta do dibagasan hata nang pambahenan, na so tupa do hita magolu ia so ala ni Debata, ala na jolo i, nuaeng nang sogot nungga mangolu Tuhan i laho mangalehon ngolu di hita. Ndang tarpaksahon roha ni jolma i, alai ingkon jolma i sandiri do na manontuhon rohana mangoloi manang na ndang. Ai adong do jala dilehon do di jolma i pilihan. Ganup jolma i marguru tu rohana sandiri do manang na ise sioloanna. Songon bangso Israel dohot si Josua, ndang na sahali be nasida mamillit laho mangoloi Tuhan i (bnd. 5 Musa 30 : 19 – 20); suang songoni do nang hita, ingkon manontong do hita mambahen sada keputusan laho satia jala mangoloi Jahowa dibagasan haporseaon. Ingkon barani do sahalak jolma  memperbaharui manang paubahon prinsip taringot tu biar mida Jahowa, satia tu hasintongan, sipangoloi na marsitutu jala paholang diri sian dosa. Molo lupa dipangoloion maradophon Tuhan i, manghobasi jala manghaholongi Debata ingkon gabe paro uhum dohot hamatean (bnd. Jos. 23 : 11 – 13). Ayat 16: Denggan situtu do bangso i mangundukkon parpadanan i, di jolo ni si Josua nang di jolo ni angka situatua ni Israel. Tung mansai tangkas dompandohan nasida taringot tu pangoloion nasida di Jahowa. Alai sandok i, masa holan uju di ngolu ni si Josua doi. Dilaonlaon ni ari, tung do gabe muba nasida jala munggil rohana tu debata sileban. Ndang pola sadia leleng dung mate si Josua, mangintor marnbalik roha do nasida mangoli debata ganagana an i (Panguhum 2 : 11 – 19).  On ma na jotjot masa nang di huria i sisaonari. Nga maol be jumpangan halak na ingot di padan naung ni oloanna, Nunga holan pandohan na pasonang sipareon sambing be hata i. Uju adop dope hita di jolo ni huria i, sai songon na marsingotngot do di hita taringot tu ngolunta maradophon Debata, alai dung tundal hita sian joro nai, andul do hita sian naung tahatahon i, gabe romoa sian halak na asing i.

Ayat 17 - 18: Sada pengakuan sian bangso i taringot tu pambahenan ni Debata, jala naung gabe sada pengalaman na tung mansai arga di nasida, jala naung jotjot dihatindanghon nasida, ima pambahenan ni Debata maradophon ompung ni nasida. Pambahenan ni Debata tu ompu ni nasida ima na paluahon nasida sian parhatobanan, jala ruar sian Misir dohot angka tanda halonganan na pinatupaNa saleleng nasida mardalan sahat tu tano Kanaan. Nang angka pambahenan ni Debata na asing muse ima, na paluahon nasida sian ragam ni paraloan sian angka bangso na humaliang nasida. Sai monang do nasida di bahen Tuhan i diganup parporanganna, jala ndang adong nanggo sada bangso nabalga pe na boi manaluhon nasida. Hinorhon ni on, gabe ungkap roha ni nasida mandok: ingkon Jahowa do oloan nami. Sintong ma i tutu, mamilangmilangi pambahenan ni Debata. Ndang na holan na masa tu diri niba sandiri, alai nang na masa di mula ni mula ni sandok tano on. Tarlumobi sian na masa di keluarga na sandiri. Sian pamilangon on, molo denggan do tutu, gabe dohonon ni halak ma:”Na burju do Debata”, alai molo andul do sian na di rohana, didok:”Ndang diparhatop rohangku be Debata.”. Panghatindangion na dua i, boi sajo do masa i, alai molo sasintongna, manang na aha na masa dingolunta on, ndang adong alasan di hita na so gabe mamuji jala mangoloi Debata. Ai holan marhosa pe hita, nunga sada sielhonlehon na arga situtu i di hita sasintongna. Alai ndang hea tarajumi i, ai holan hasongan ni rohanta sandiri do na tapaihutihut, ndang roha ni Debata. Songoni do umbahen na gabe hatop munggil roha ni ganup jolma maradophon Debata. Ai nag rohana sandiri naeng mangaturhon aha na masa dohot na naeng masa dingoluna. Antong: hatindanghon ma Jahowa marhite pangoloionmu tu Debata. Jala ndang holan diri, alai saluhut dirim ima: KELUARGA…alai anggo ahu dohot donganku sajabu, ingkon Jahowa do oloannami.

Bahan Jamita: Heber 13 : 1 - 15: Minggu 11 Set-Trinitatis, 16 Agustus 2015

Manongtong ma holong ni roha di dongan!

{Peliharalahkasih persaudaraan)

a.       Perintah umum (ay. 1 – 6 )

Hataridaan ni haporseaon ndang tarida sian pos ni roha/haporseaon ni halak Kristen laho mansaodahon manang mangoloi, haburjuonna mangihuthon Ibana, alai sian pangalaho siganup ari boi tarida jala diulahon. Praktek ni haporseaon dipukka sian hadirionna sandiri din a humaliangna, ima: parsaripeon (keluarga) nang huria. Poda ni panurat Heber on tung mansai ondol jala tangkas asa haporseaon ni saluhut halak na manjaha surat on boi diida halak na asing. Ai nang godang angka ragam ni pangarupaon nag sogo ni roha ni halak Jahudi na manghasogohon halak Kristen ndang gabe sada alasan i asa holan parduli tu dirina sandiri. Alai justru ingkon lam pagomoson jala lam pasolhothon diri {: ay. 1: “Asa holong rohanta di: dongan sahaporseaon”, “na so tatanda” (ay. 2 Hataridaan ni haholongan i tarida sian na rade martamue tu saluhut angka anak ni Debata );  “na tarhurung dohot angka na tumaon na porsuk” (pangarupaon na masa na niadopan nasida boi sajo doi marharoroan sian keluarga sandiri na palaohon angka anak ni Tuhan i. Molo masa do on, berarti kewajiban ni nasida na gabe anak ni Tuhan ingkon mangharingkothon partamueon. ay. 3); tarlumobi nasida na tarhurung dohot na tumaon na porsuk ala haporseaon holong. Holong sintong i ima holong na rade mangadopi segala resiko, ingkon urupan do angka i }. Inkon jaga do nasida di habadiaon ni parsaripeon ni nasida, asa unang dirupa angka musu ni halak Kristen nasida ala naung dijamin Debata do ngolu ni nasida. Tuhan ido na mangaramoti sandok parngoluanna. Ndang impolan di hepeng, manang ndang dibahen alasan hepeng na gabe manegai parsaripeon ni nasida Ay. 4: didiok asa badia nang sangap pardongansaripeon i, ay. 5-6: ndang holongan di hepeng. Ai molo adong di hita Tuhan Jesus tupa do saluhut.

b.       Perintah taringot tu hangoluon ni parugamaon

Di horong on, di arahon panurut Heber do asa satia di haporseaonna yang ditiop angka naung hea manguluhon nasida (para pemimpin mereka). Ai dihorong on dipukka jala dipaujung marhite hata “PARENTA” na marhadomuan dohot angka pangulu ni nasida. “Ujung ni pardalannasida”, manggombarhon halak na satia ingkon dapotan “jambar pangomoan”. “Tiru hamuma haporseannasida”, tudos do on songon na ninodakna ni Heber 6 : 12 :”Unang ma gabe angka na losok hamu; tiru hamu ma angka sitean bagabaga i, marhitehite haporseaon dohot lambas ni roha! Molo angka panjaha surat Heber on mamingkiri:”Ido, hea do hami satia, ditingki adong na munguluhon hami angaka na denggan/hebat, alai saonari ndang be, ala naung mate do nasida jala ndang rap be dohot hami, dohot an, on….ingkon ingotonna do ” Ia Jesus Kristus, songon i nantoari, songon i sadari on, laos i do ro di salelenglelengna! (ay. 13). Na jolo i nasaida satia, songon na binaritahon ni di Heb. 6 : 10-11; 10:32-34; alai ingkon ringkotan ni nasida roha na marsitutu salelengleleng ai disi do nang jaloonnasida jala panghilalahononna bagabaga ni Debata. Ayat. 9. Molo ndang muba do Ibana (Kristus), siala ni i:”angka parpodaon na asing” unang polo dioloi jala dirohaon. Ala angka poda i na tau do mangelaela nasida, na holan mangaturhon taringot tu aturan ni parsipanganon na sai songon i na rumingkot jala na lobi badia. Manang parpodaon i, patupahopn parpeleanon nang altar/mezbah na teristimewa. Hape tung mansai tangkas do, holan sada do langgatan/mezbah di hita, na manggombarhon partinaonan ni Tuhan Jesus. Diparbadia do hita jala taruli asi ni roha sian langgatan i din a di si i Jesus dipelehon, siala ni ido ndang pola be hita sai puaspais (repot) holan na mangurusi taringot tu sipanganon.

Sian panurat ni Heber on, boi idaonta naung sanga do torop nasida mangihuthon angka poda/pangajarion ni angka guru palsu na mangajarhon ajaran sesat, na mandok dirina akka imam  (sintua ni malim) na imbaru jala parpunguan ni nasida i, ima bangso/umat Israel na sejati. Siala ni ido didok di ayat 11-14; ingkon ruar do sian “parsaoran” (parlapelapean=perkemahan) jala ndang dohot manghangoluhon parsaoran ni angka halak naung hea mamparsoadahon Sipalua i, naung mangadopi sitaonon di luar ni harbangan , ima diluar ni na humaliang ugamo Jahudi. Nunga didok tu hita asa tapajonok dirinta tu Ibana (Jesus), marsaor dibagasan Ibana. Ndang adong parsadaan/parsaoran  dohot Jesus molo so adong mangadopi resiko, jala ingkon tadingkononta do parsaoran ni halak naung mansaodahon Kristus i.

Aplikasi

1.       Hangoluan ni halak Kristen ima HOLONG. Alai diturpuk on halak Kristen ndang holan na diajari taringot tu holong, alai mangaramoti holong i sandiri. Boasa songoni? Ala molo lam godang tatanda jala taboto harohaon ni halak, lam godang do taboto nang ragam ni angka hahurangannna, jala boi do on mambahen gabe kecawa maradophopn halak na asing, on ma gabe mambahen marsursurholong na i. Na pinangidona: lam godang tatanda jala taboto roha dohot hangoluan ni jolma, molo sahalak Kristen do hita ingkon hot haholongan i tu nasida.

2.       Partamueon sada sian ragam ni ulaon hadengganon na sasintongna “INGKON”. Halak Kristen ndada holan patuduhon hadengganon i, ala hadengganon na pinatuduhonon na i, ingkon lobi sian halak na so Kristen. Siala ni i, ingkon ringkotan do partamueon, ndang holan sama Kristen alai tu sandok na berhak manjalo hadengganon i sandiri

3.       Patuduhonon ni halak Kristen do holongna tu angka na tarhurung, ala ndang adong di nasida kebebasan laho mangido asi ni roha, alai ingkon adong do inisiatif di halak Kristen laho mandapothon halak na asing angka mangharingkothon i.

4.       Ingkon badia do parsaripeon ni halak Kristen. Ala nunga “LANGKA” be nuaeng jumpangta habadiaon ni rumah tangga i sandiri. Habadiaon i dohot doi tarida sian ngolu na sederhana, lemah lembut jala ndang impolan dihepeng, ingkon sabam roha dina adong i

5.       Dibagasan TUHAN i, singkop do saluhut, jala parsidohot do hita marnampuna i. Ai nang Ibana, Debata na maompa langit, laut, tano nang saluhut pangisina, Ibana do na manompa i laho di hita . Ndang adong nanggo sad ape na boi mengancam parngoluan ni halak Kristen, ai dibagasan tanggaNa do sandok ngolu nang pardalananna.

Bahan Jamita: Psalmen 34 : 1 - 8 - Minggu 10 Set. Trinitatis 09 Agustus 2015

Tuhan i do na: tangi, paluahon di jolma na dihasintongan

Patujolo

Molo sai tatangihon angka ragam ni tangiang, torop do halak na mandok songonon: “ai ho do Tuhan mula ni NASA NA ADONG {ala mamora}, SIPALUA HAJOLMAON {ala hipas}, SILEHON NGOLU {ala dapot mangan}. Ho do na MANJAGAHON HAMI SIAN LINGGOMAN NI HAMATEAN {ala dilehon marUlang Tahun} nang PARMARAAN {ndang hea dope agoan} na sian portibi on. Amen.” Jala adong do manang na piga alasan ni jolma magidohon sisongon on di tangiangna:

a.       Ala naung denggan parngoluanna

b.       Ala hurang denggan do pe parngoluanna

c.       Ala hasomalan ni pangidoan di angka tangiang

Na tolu on ma deba na gabe alasan ni jolma i martangiang.  Nunga boi dohonon ta on ala na dinikmati do parngoluanna rap dohot Tuhan? Manang naung sonang do rohana ala naung dipanghilalahon na tutu situtu do Tuhan adong jala ngolu ni jolma i mangharingkothon Tuhan i? Manang, nunga be on gabe sada bukti na burju do Tuhan i? Antong, ala ni aha do didok roham saluhut isi ni tangiangmi tu Debata? On ma na gabe dasar pamingkirion di hita di turpuk jamita on, asa taida pengalaman ni si Daud na mar-TUHAN

Hatorangan

Psalmen on ima ende puji-pujian (ay. 2 – 11). Jala di togihon do hita mandompakhon bohinta maradophopn Debata (ay. 6), manghangoluhon (menikmati) haburjuonNa (ay. 9). Jala saluhut na i masa, hinorhon ni naung dihilalahon jala naung dihaposi na adong manang na piga pangalaho ni Debata ima: SIPARTANGI (ay. 7-8), SiPALUA (5b : 7b). Par-Psalmen dison manghilalaho denggan basa ni Debata marhite na dipalua ibana sian hamatean, dipalua Debata ibana (Daud) sian pangaleleon ni raja Saul (1 Sam. 18 – 27). Songon sahalak buronan ibana, tung mansai jotjot do dipanghilalahon ibana angka hasosahan, pangarupaon jala roha na busesaon. Alai songon dia godang ni panosak dingoluna, songoni godang asi ni roha ni debata tu ibana, uju martangiang ibana tu Debata. Ditingkina i, ditingki halehetanna i sai tibu do pangurpionNa (ay. 7) Dison dipatorang par-Psalmen manang songon dia do dasar ni na tau menikmati ngolu-ngolu i na gabe mambahen togu las ni roha jala na gabe “SABAS” na mar-Tuhan:

a.       Biar mida Jahowa (ay. 8; bnd. Ay. 10, 12)

b.       Joujou, jala mangalului Jahowa (ay. 5. Bnd. Ay. 11)

c.       Manggogo tu ngolu na sintong (ay. 14 – 15).

Saluhut na i mambahen jolma na porsea (sintong) i gabe manjalo: PANGARAMOTION, ndang hurangan, gok asi ni roha jala dialusi ganup tangiangna. Ala i ndang jumpang boti i, ndang mura i manjalo na sisongoni. Adong do pilihan di halak na porsea, mandok “DAONG” tu hajahaton jala mandok “IDO” tu hasintongan, ala i ndang pintor i mamabahen gabe singkop saluhut pardalanan ni ngoluna jala sai holan pangomoan na jupangna, alai justru gabe jotjot do mamboan jolmai tu godang ni angka abatabat (hambatan) jala ragam ni parungkilon. Jadi par-Psalmen dison naeng  patoranghon, unang gabe tasalahon haporseaonta (iman) na so margogo mangalo hagogoon ni angka na jahat i, alai ingkon haposanta do na HAPORSEAONTA i sandiri do na manogihon hita tu haporseaon na marurat dibagasan PANGALAHO ni DEBATA. Haporseaon on mamboan hita gabe halak na marimba sian hgalak na so porsea na diujungna sogot tu hamatean (bnd. Ay. 22). Alai ndang songoni ianggo halak na sintong, di tangihon jala dipalua do nasida sian hasosahanna moilo ro nasida usouso manang joujou manang mangalului Tuhan i. Hona uhum do ianggo angka na mansoadahon Tuhan i, ai sai manatap do mata ni Jahowa tu angka partigor, jala pinggolna tu angguknasida (ay. 16).

Aplikasi

1.       Halak Kristen na sangap do hita didok rohanta, na HIPAS jala na sintong. Ala pangidoan ni portibi on nasai taida jala ta oloi. Alai ndang hea tarimangi, jotjotan do maralo hasintongan nang pambahenan ni Debata di ganup roha ni jolma i. Lomo ni roha ni Debata ndang tarjalo jolma i sian “akal sehat ni jolma”, ala ndang tangkas diboto jala ditanda nasida Debata. Taida ma Tuhan Jesus na dianggap jolma ndang sehat (Markus 3:21;” Jadi umbege i angka sisolhotna, ro ma nasida mangalap Ibana, ai ninna nasida do: Na rintik do Ibana).

2.       On ma na so tarjalosa: Debata mangampini (berpihak) tu halak na gale . Nasida na martorup ni roha (ay. 3), na hona rupa {tertindas: ay. 7}

3.       Manghilalahon Tuhan i, di ngolu siganup ari i jotjot doi masa, alai godangan do dihilalahon i ditingki masa hasosahan, hape ndang i na sasintongna. Manghilalahon jala manghangoluhon Tuhan i tung marragam do, siala boi doi na marhite na gabe parsidohot hita di sangkap ni Debata (melibatkan diri dalam rancangan dan rencana Tuhan). Pajonok diri secara terbuka, asa dohot denggan jala totop manungguli, mamamnghulingi jala mangaramoti ngolum.

4.       Ditingki naung dihilalahon haroro ni Tuhan manang pangurupionNa, endehon ma pujian di GoarNa secara pribadi nang dohot angka donganmu, jala endehon ma GoarNa i dijolo ni torop halak, asa nang nasida pe gabe dohot manghilalahon DEBATA na Mangolu i.